समाचारस्वास्थ्य

कोरोनाको उपचारमा खटिने निजी अस्पतालका चिकित्सकको तलबभत्ता सरकारले ब्यहोर्ने

Spread the love

काठमाडौं, चैत्र २४ । सरकारले कोरोना संक्रमितको उपचारमा खटिने निजी अस्पतालका चिकित्सकलाई पनि सरकारी चिकित्सकसरह सेवा, सुविधा उपलब्ध गराउने निर्णय गरेको छ ।

मन्त्रिपरिषद् बैठकले निजी अस्पतालमै बसेर कोरोनासम्बन्धी उपचारमा संलग्न भए पनि उनीहरुको तलब भत्ता सरकारले नै ब्यहोर्ने निर्णय गरेको हो ।

कोरोना नियन्त्रण तथा रोकथाममा खटिने चिकित्सक, नर्स र सुरक्षाकर्मीको मनोबल उकास्न शतप्रतिशत भत्ता दिने निर्णय यसअघि नै गरिसकेको छ ।

सरकारका प्रवक्ता एवं अर्थ र सञ्चार तथा सूचना प्रविधिमन्त्री युवराज खतिवडाले कोरोनाको महामारीको लागि खटिने स्वास्थ्य स्वयंसेविकाहरुलाई सरकारले एक हजार पाँच सय भत्ता उपलब्ध गराउने निर्णय गरेको जानकारी पनि गराए ।

क्वारेन्टीनमा बस्नुपर्नेहरु बसे नबसेको र स्वास्थ्य सेवासम्बन्धी विषयमा नागरिकलाई उत्प्रेरित गरेबापत प्रतिव्यक्ति एक पटकका लागि १५०० रुपैयाँ प्रोत्साहनस्वरुप दिने निर्णय पनि सरकारले गरेको छ ।

Related Articles

Back to top button