समाचार

पर्वतको फलेवासमा विपन्न तथा मजदुरका परिवारहरुलाई आर्थिक सहयोग

२४ चैत, पर्वत। पर्वतको फलेवासमा रहेको सातकुरिया फलेवास बौद्धिक युथ सोसाईटीले विपन्न तथा मजदुरका परिवारहरुलाई सहयोगार्थ रु २५ हजार ७ रुपैया आर्थिक सहयोग गरेको छ ।
फलेवास नगरपालिकाले स्थापनाले गरेको विपद कोषमा सोसाईटीले उक्त रकम सहयोग गरेको हो । विश्वव्यापी महामारीको रुपमा फैलिएको नोबेल कोरोना भाईरका कारण लामो समय मुलुक लकडाउनमा रहेको छ । यस्तो बेला विपन्न, तथा मजदुरका परिवारहरु दैनिक चुल्हो बाल्न समेत समस्यामा परेका बेला थोरै भएपनि राहत पुगोस भनेर रकम सहयोग गरिएको सोसाईटीका संयोजक विनोद पौडेलले जानकारी दिनुभयो ।
कर्म गरौ सबै ठाँउमा, केही गरौ आफ्नै गाउँमा भन्ने मूल मन्त्रका साथ स्थापना भएको सातकुरिया फलेबास बौद्धिक युथ सोसाइटीका विभिन्न सामाजिक कामहरु गर्दै आएको छ ।
संस्थाले सामाजिक उतरदायित्व अन्तर्गत सो रकम जम्मा गरेको संयोजक पौडेलले जानकारी दिनुभयो । सोसाईटीमा हाल २७ जना सदस्य रहेको यस संस्थाले आगामी दिनहरूमा पनि फलेबास क्षेत्रमा सामाजिक कार्यहरू अगाडि बढाउने जानकारी समेत सोसाईटीले दिएको छ । चेक हस्तान्तरण गर्दै सोसाईटीका सदस्य बिज्ञान शर्माले यो सहयोग हाम्रो पहिलो प्रयास रहेको र आगामि दिनमा समेत हाम्रो नगरपालिलाई पुर्ण सहयोग रहने प्रतिबद्धता ब्याक्त गर्नुभयो ।

साथै उक्त सहयोग ग्रहण गर्दै फलेवास नगरपालिकाका नगरप्रमुख पदमपाणी शर्माले विपन्न, र मजदुर तथा गरिब परिवारहरु लामो समयको लकडाउनका कारण समस्यामा परकोे बताउँदै उनिहरुलाई पारदर्शि ढंगवाट राहत वितरण गरिने बताउनुभयो । उहाँले सहयोग गर्ने संस्थालाई धन्यवाद समेत व्यक्त गर्नुभयो ।
फलेवास नगरपालिकाले रु ३५ लाखको विपद कोष स्थापना गरेको छ । उक्त कोषमा विभिन्न क्षेत्रवाट आर्थिक सहयोग र खाद्यान्न संकलनको क्रम जारी रहेको छ ।

Related Articles

Back to top button
%d bloggers like this: