समाचार

कास्कीमा निषेधाज्ञामा कडाई, सवारी साधनमा पुन जोरबिजोर प्रणाली

२ भदौ, पोखरा । जिल्ला प्रशासन कार्यलय कास्कीले निषेधाज्ञामा कडाई गरेको छ । कोरोना संक्रमणको दरसंगै मृत्युदर पनि बढ्दै भएको भन्दै प्रशासन कार्यलय कास्कीले भदौं २ गते आदेश जारी गर्दै थप कडाई गरेको हो । विहिबारदेखी लागू हुनेगरी प्रशासन कार्यलयले निजी तथा सार्वजनिक सवारी साधनमा पुनः जोरबिजोर प्रणाली लागू गरिएको छ ।

बुधबार बसेको जिल्ला कोभिड व्यवस्थापन समितिको बैठकले भदौ १० गतेसम्मका लागि निषेधाज्ञामा कडाइ गर्ने निर्णय गरेको हो ।

यसअघि असार १४ गते सार्वजनिक सवारीमा जोरबिजोर प्रणाली हटाइएको थियो । जिल्ला प्रशासन कार्यालय कास्की प्रमुख थानेश्वर गौतमले होटल तथा रेस्टुरेन्टमा हुने हरेक किसिमका बुकिङ कार्यक्रमलाई पनि रोक लगाइएको जानकारी दिए ।

‘बैंक तथा वित्तीय संघसंस्थालाई समेत सीमित कर्मचारी वा सकेसम्म घरबाटै काम गर्न प्रोत्साहन गर्ने,’  प्रमुख जिल्ला अधिकारी गौतमले जारी गरेको आदेशमा भनिएको छ । परीक्षाको हकमा भने पूर्व निर्धारित विश्वविद्यालय, आयोगका परीक्षाबाहेक अन्य सञ्चालन गर्न पाइने छैन ।

गण्डकीमा बुधबारसम्म ५ हजारभन्दा बढी कोरोना सक्रिय संक्रमित छन् । त्यसमध्ये सबैभन्दा बढी प्रभावित कास्की जिल्ला हुन पुगेको छ । कास्कीमा मात्रै २ हजारभन्दा बढी सक्रिय संक्रमित छन् । कोरोना संक्रमण फैलिएयता कास्कीका ५ सय २० जना संक्रमितको मृत्यु भइसकेको छ ।

Related Articles

Back to top button
%d bloggers like this: