समाजस्थानीय

लेउवा संघको महाधिवेशन स्थगित

लेखनाथ १३ भाद्र ।
लेखनाथ उद्योग बाणिज्य संघको भाद्र १८ र १९ गतेका लागि तोकिएको १३ औं महाधिवेशन अर्को सुचना नआउदा सम्मका लागि स्थगीत भएको छ ।
चुनाबी प्रक्रिया देखि अधिवेशनमा धेरै जनाको उपस्थिती हुन सक्ने र कोरनाको महामारी विध्यमान रहिरहेको अवस्थालाई मध्यनजर राख्दै जिल्ला प्रशासन कार्यालय कास्कीका प्रमुख थानेश्वर गौतमको आग्रहमा आर्को सुचना जारी नहुँदा सम्मको लागि महाधिवेशन स्थगित गरिएको हो ।
यसै बिच आईतवारै संघको कार्यसमितिको वैठकले भाद्र ११ गते सम्म भएका निर्वाचनका कार्यक्रमहरुलाई यथावत राख्दै यस भन्दा पछिको कार्यक्रम आर्को सुचना नआउदासम्मका लागि स्थगित गर्ने निर्णय गरेको छ ।
स्थगित भएको निर्वाचनको कार्यक्रम अर्को सुचना आउनु भन्दा १० दिन अगाडी सार्वसजनिक गरिने समेत लेखनाथ उद्योग बाणिज्य संघका अध्यक्ष बलराम ढकालले जानकारी दिनु भएको छ । यस अघि संघको निर्वाचनको कार्यक्रम अन्तर्गत उमेदवारी दर्ता देखि उमेदवारको अन्तिम नामावली प्रकाशन गरिसकिएको थियो।
उमेदवारी दर्ताको क्रममा अध्यक्ष पदमा वर्तमान बरिष्ठ उपाध्यक्ष छत्रधर आत्रेयको मात्र उमेदवारी परेकाले आत्रेय निविरोध भईसकेका छन् भने सस्थागत सदस्यमा रामबहादुर गुरुङ र एशोसियट सदस्यमा पनि मेघराज पौडेल निविरोध निर्वाचित भएका हुन् ।

– भिमपाणी बराल

Related Articles

Back to top button
%d bloggers like this: