पोखरा २८ माझठाना साना किसानको अध्यक्षमा पूनः इन्द्र प्रसाद जैसी

ऋषिराम रानाभाट
१४ पौष, लेखनाथ– पोखरा महानगरपालिका वडा नं.२८ माझठाना साना किसान कृषि सहकारी संस्था लिमिटेडको अध्यक्षमा पूनः ईन्द्र प्रसाद जैसी निर्वाचित हुनु भएको छ । संस्थाको १६ औं बार्षिक साधारणसभा तथा पाँचौं अधिवेशनले जैसीलाई आगामी कार्यकालका लागि निर्वाचित गरेको हो ।
यसै गरी संस्थाको उपाध्यक्षमा सिताराम तिवारी , सचिवमा हिमलाल आचार्य, कोषाध्यक्षमा रामृष्ण तिवारी, सह सचिवमा विकल केसी निर्वाचित हुनु भएको छ । यसै गरी सदस्यहरुमा सोविता कंडेल तिवारी, इन्दिरा बास्तोला, प्रविन नेपाली, सुकदेव लामिछाने, राधिका पौडेल र अनिता भुर्तेल निर्वाचित हुनु भएको छ ।
लेखा समितिको संयोजकमा हरि बहादुर बुढाथोकी, सदस्यहरुमा सोमलाल तिवारी र प्रकाश आचार्य निर्वाचित हुनु भएको छ ।