समाचार

जघन्य अपराधिक गतिविधि नियन्त्रणमा सक्रिय बन्न कार्यवहाक प्रधानमन्त्री पोखरेलको निर्देशन

काठमाडौं, असोज १४
कार्यवहाक प्रधानमन्त्री एवम् रक्षामन्त्री इश्वर पोखरेलले बालिकामाथि बढ्दो हत्या, बलात्कारलगायतका जघन्य अपराधिक गतिविधि नियन्त्रणका लागि अझै सक्रिय भएर लागि पर्न सम्बन्धित सबैलाई निर्देशन दिएका छन् । कार्यवहाक प्रधानमन्त्री पोखरेलले बालिकामाथि हुने हत्या, बलात्कारजस्ता अमानवीय एवम् पाशविक घटना नियन्त्रणका लागि सरकार लागि परेको पनि स्पष्ट पारे ।

आईतबार काठमाडौंमा आयोजित ‘दोस्रो नेपाल बालिका सम्मेलन’ लाई काठमाडौंमा उद्घाटन गर्दै उनले बालिकामाथि भइरहेको बलात्कार, हत्यालगायतका जघन्य अपराधका घटना नियन्त्रण गरी कानुनी कार्वाही गर्न सरकारले सक्दो पहल गरिरहेको दाबी पनि गरे । कार्यवहाक प्रधानमन्त्री पोखरेलले समाजमा रहेका असमानता अन्त्य गरी बालिका तथा किशोरीमाथि लगानी गरेर उनीहरुमाथि भईरहेको बलात्कार, हत्यालगायतका घटना नियन्त्रण हुने विश्वास पनि व्यक्त गरे । कार्यक्रममा बोल्दै महिला, बालबालिका तथा ज्येष्ठ नागरिक मन्त्री थममाया थापाले बालिकामाथि हुने हत्या, बलात्कारलगायतका घटना न्यूनिकरणका लागि ठोस धारणा तय गर्न सम्मेलन सफल हुने विश्वास व्यक्त गरे । उनले परम्परागत सामन्ती सोचका कारण महिला तथा बालिका बलात्कार, हत्या लगायतका जघन्य अपराधको घटनाको शिकार हुनुपरेको उल्लेख गर्दै त्यसलाई अन्त्य गर्न समाजका सबै पक्ष उत्तिकै सक्रीय हुनुपर्ने आवश्यक्ता पनि औंल्याए ।

Related Articles

Back to top button
%d bloggers like this: