खेलकुुदसमाचार

३ अर्ब लागतमा अन्तर्राष्ट्रिय क्रिकेट रंगशाला धुर्मुस-सुन्तलीको घोषणा

Spread the love

माघ १६, काठमाडौं

हास्य कलाकार सीताराम कट्टेल धुर्मुस र कुन्जना घिमिरे सुन्तलीले चितवनको भरतपुरमा अन्तर्राष्ट्रिय क्रिकेट रंगशाला बनाउने उद्घोष गरेका छन्। उनीहरूद्वारा संचालित धुर्मुस सुन्तली फाउन्डेसनको आयोजनामा चितवनमा एक कार्यक्रम आयोजना गरी रंगशाला बनाउने उद्घोष गरिएको हो।

फाउन्डेसनले भरतपुर महानगरपालिकासँग रंगशाला निर्माणका लागि जग्गा प्राप्ति सम्झौता पनि गरेको छ। भरतपुर १६ मा रहेको त्रिभुवन विश्वविद्यालयको स्वामित्वमा रहेको जग्गामा रंगशाला बनाइने भएको छ। विश्वविद्यालयले भरतपुर महानगरपालिका हुँदै फाउन्डेसनलाई जग्गा उपलब्ध गराएको छ।  रंगशालाको नाम गौतमबुद्ध अन्तर्राष्ट्रिय क्रिकेट रंगशाला रहने फाउन्डेसनले जनाएको हो।

तीन वर्ष भित्रमै रंगशाला निर्माण गरेर महानगरलाई हस्तान्त्रण गरिने फाउन्डेसनले जनाएको हो। रंगशाला निर्माणको लागत ३ अर्ब रुपैयाँ अनुमान गरिएको छ। देश विदेशमा रहेका नेपालीहरू मार्फत रंगशालाका लागि स्वेच्छिक रुपमा सहयोग संकलन गरिने फाउन्डेसनका अध्यक्ष सिताराम कट्टेलले बताए। भूकम्पपछि चारवटा बस्ती निर्माण गरेर उनले क्रिकेट स्टेडियम बनाउने घोषणा गरेका थिए।

Related Articles

Close