राजनितिसमाचार

विभाग विस्तार रोक्न माग गर्दै देउवालाई लिखित पत्र बुझाउने पौडलले समूहको निर्णय

Spread the love

काठमाडौं, साउन १४ । नेपाली कांग्रेसका सभापति शेरबहादुर देउवाले एकलौटी गरेको विभाग विस्तारलाई तत्काल रोक्न माग गर्दै वरिष्ठ नेता रामचन्द्र पौडेल समूहले देउवालाई लिखित पत्र बुझाउने भएको छ ।

बुधबार पार्टी केन्द्रीय कार्यालय सानेपामा पौडेल समूहका केन्द्रीय सदस्यहरुको भेलाले देउवालाई लिखित पत्र बुझाउने निर्णय गरेको हो ।

सभापति देउवालाई बुझाइने पत्रमा क्रियाशील सदस्यता वितरण, कांग्रेसमा नवप्रवेशीहरुलाई दिइने पदलगायतका विषयमा पारदर्शीता अपनाउन माग गरिने भएको छ ।

साउन १ गते अनामनगरस्थित पौडेलको सम्पर्क कार्यालयमा छलफल गर्दै विभाग गठनको विषयलाई महाधिवेशनको मुद्दा बनाउने निर्णय भएको थियो ।

छ महिनाभित्र गठन गरिसक्नुपर्ने विभाग महाधिवेशन कार्यतालिका आएपछि गरेको भन्दै तत्काल खारेज गर्नुपर्ने माग पौडेल समूहको छ ।

सभापति देउवाले फागुन १६ गते १३ ओटा र फागुन १९ गते सातओटा गरी २० ओटा विभाग गठन र विस्तार गर्नुभएको थियो ।

Related Articles

Leave a Reply

Your email address will not be published. Required fields are marked *

Close