अन्य

राम्रो अनि आनन्दमयी निन्द्रा को लागि खानुहोस यी खानेकुरा

Spread the love

बैशाख २० – मिठो निन्द्रा स्वस्थ जीवनको कडी हो । तर तनाव, अव्यवस्थित जीवनशैली र अस्वस्थ खानपिनका कारण हामीमध्ये धेरैलाई राती निन्द्रा लाग्दैन । युनिभर्सिटी अफ पेन्सिल्भानियाको एक नयाँ अनुसन्धानले मिठो निन्द्राका लागि कार्बोहाइड्रेट, क्याल्सियम र म्याग्नेसियमको आवश्यकता पर्ने बताएको छ । सुत्नुभन्दा अघि खाइने खानेकुराले पनि निन्द्रा लाग्ने नलाग्ने भन्ने कुरामा निर्भर हुने अनुसन्धानले बताएको छ । यहाँ यस्तै खानेकुराको सूची दिइएको छ जुन मिठो निन्द्राका भागिदार हुन्छन् ।

१. केराः

केरामा पोटासियम र म्याग्नेसियमको मात्रा अत्यधिक हुन्छ । पोटासियमले ऐठनको समस्यालाई ठिक गर्नुका साथै यसले स्नायु र मांसपेशीलाई आराम प्रदान गर्दछ । केराले पाचन क्रिया र रक्त संचारलाई पनि सघाउ पुर्याउँछ ।

२. महः

महमा पाइने प्राकृतिक चीनीले बिस्तारै इन्सुलिन बढाउन सहयोग गर्दै ट्रिप्टोफ्यानलाई सजिलै दिमागमा प्रवेश गराउँछ । ट्रिप्टोफ्यानले हाम्रो शरिरको क्लक हर्मोन – सेरोटोनिन र मेलाटोनिनलाई सुत्ने र उठ्ने साइकल निर्धारण गर्दछ ।

३. सलाद खाने सागः

यो सागमा ल्याक्टुक्यारियम हुन्छ जसले दिमागलाई अफिमले झैं असर गर्दछ । बेलुकाको खानामा सलादसँगै यो साग समावेश गर्दा चाँडै निन्द्रा लाग्न सहयोग गर्दछ ।

४. ओखरः

ओखरमा ट्रिप्टोफ्यानको प्रचुर मात्रा पाइन्छ जसले सेरोटोनिन र मेलाटोनिनको उत्पादनमा सहयोग पुर्याउँछ । त्यसकारण मिठो निन्द्राको लागि सुत्नुभन्दा अघि एक दुईवटा ओखर खानुहोस् ।

५. एल्मोन्ड (बदाम):

एल्मोन्डमा म्याग्नेसियमको मात्रा हुन्छ जुन मिठो निन्द्राको लागि आवश्यक पर्छ । अर्थोमलिकुलर मेडिसिनको जर्नलमा प्रकाशित जानकारी अनुसार शरिरमा म्याग्नेसियमको मात्रा कम भए निन्द्रा कम लाग्छ । एल्मोन्डले टाउको दुखाई कम गर्न पनि सहयोग गर्दछ ।

६. चेरी जुसः

चेरी विशेषगरी टार्ट चेरीले मेलाटोनिनको स्तरमा वृद्धि गर्ने भएकाले यसले मिठो निन्द्रामा सघाउ पुर्याउँछ । युनिभर्सिटी अफ पेन्सिल्भानिया र रोचेस्टरका अनुसन्धानकर्ताका अनुसार चेरीको जुसले चाँडै निदाउनसमेत मद्दत पुर्याउँछ । यो निष्कर्ष निकाल्नका लागि अनिन्द्राले पीडित एक समूहलाई सुत्नुभन्दा पहिले चेरी जुस खुवाइयो । उनीहरुले आफ्नो समस्याको बिस्तारै हल भएको पाए ।

७. अण्डाः

अण्डामा भिटामिन डी पाइन्छ जसले निन्द्रामा सहयोग पुर्याउँछ  ।

८. डेरी उत्पादनः

डेरी उत्पादनमा क्याल्सियमको मात्रा धेरै हुनेभएकाले मिठो निन्द्रामा सहयोग पुर्याउँछ ।

९. कर्न फ्लेक्सः

कर्न फ्लेक्समा कार्बोहाइड्रेट र क्याल्सिम (दुधबाट) पाइने भएकाले निन्द्रा लगाउन सहयोग गर्दछ ।

Related Articles

Back to top button