समाचार

पार्टीलाई पहिलो बनाएर मात्र विश्राम लिने कांग्रेस सभापति देउवाको उद्घोष

Spread the love

डडेल्धुरा , २६ जेठ ।
नेपाली काँग्रेस सभापति तथा पूर्वप्रधानमन्त्री शेरबहादुर देउवाले काँग्रेसलाई पुरानै पार्टीमा स्थापना गरी विश्राम लिने उद्घोष गरेका छन् । नेपाली काँग्रेस डडेल्धुराले आयोजना गरेको जिल्ला सम्मेलनको उद्घाटन गर्दै काँग्रेस सभापति तथा पूर्वप्रधानमन्त्री देउवाले सो कुरा बताएका हुन् ।
आफ्नो नेतृत्वमा सम्पन्न भएका तीन तहका निर्वाचनमा काँग्रेस हारेर पनि देशले जितेको भन्दै देशलाइ संविधान कार्यान्वयनको गतिमा लगेको उनले उल्लेख गरे। कम्युनिष्टहरु एक हुँदा पनि काँग्रेस बलियो नै देखिएको सभापति देउवाले दाबी गरे। प्रत्यक्ष निर्वाचनमा संख्यात्मकरुपमा केही सिट कम आएको कुरा स्वीकार्दै सभापति देउवाले समानुपातिकका मतले पार्टीलाई जनताले विश्वास दिएको बताए। काँग्रेस विभिन्न कालखण्डका आन्दोलनमा अग्रमोर्चामा उभिएको र निर्णायक बेलामा नेतृत्व लिने पार्टी भएकाले पार्टीभित्रका आन्तरिक कुरालाई मिलाएर पहिलो पार्टी स्थापना गरी छाड्ने देउवाले प्रतिबद्धता जनाए।

Related Articles

Close