समाचार

काठमाण्डौ ७ मा राहत वितरण सम्पन्न

Spread the love

काडमाडौँ, चैत्र २३ । कोरोना भाइरसको संक्रमणबाट बच्न जारी लकडाउनको कारण दैनिक जीवन ठप्प परिरहेको अवस्थामा आफ्नो वडाभित्र बसोबास गर्ने श्रमिक, मजदुर एवं विपन्न वर्गका लागि काठमाडौँ महानगरपालिकाका वडा ७ ले राहत वितरण सम्पन्न गरेको छ । गत चैत्र २० , २१ र २२ गते गरी ३ दिन लगाएर राहत वितरण कार्य सम्पन्न भएको मदनकृष्ण सिलवालले बताए ।
राहत वितरण कार्यलाई सहजीकरण गर्न कुमारीगाल टोलसुधार, सामुदायिक सेवासमाज, गौरीनगर सुधार समिति, चावहिल गणेशस्थलान, चावहिल गंगाहिटी र सिफलमा वितरण क्षेत्र तोकिएको छ । जसअनुरुप कुमारीगाल टोलसुधार समाजअन्तर्गत सामादायिक सेवा समाज(मैजुवहाल, लाहुरेटोल, मैजुफाँट), गौरीनगरसुधार समितिअन्तर्गत उमाकुण्ड, गौरीनगरफाँट, चावहिल पिपलबोटभन्दा मुनि क्षेत्र), चावहिल गणेशस्थानअन्तर्गत(चुच्चेपाटी, चावहिलबजार, मित्रपार्क, गणेशस्थानआसपास, चावहिल गंगाहिटीचोक(बुलबुले–विनायकटोल, गोपीकृष्ण शान्ति गोरेटो), सिफलअन्तर्गत (हिमायन विद्या मन्दिर आसपास, पनेकुटोल, गुरुङटोल, सिफल पानी ट्यांकी) लगायत क्षेत्रहरूबाट राहत वितरण गरिएको वडा सदस्य कृष्णप्रसाद घिमिरेले बताए ।
स्थानीय जनप्रतिनिधि, प्रहरी प्रशासन एवं संघसंस्था प्रतिनिधिको सहभागितामा लक्षित वर्ग पहिचान गरी हालसम्म वडाभरका १७०० भन्दा बढी परिवारलाई राहतस्वरुप चामल,दाल, नुन–तेल लगायत खाद्यान्न प्याकेट राहत सामग्री वितरण गरिएको वडाअध्यक्ष शुद्धकुमार डंगोलले जानकारी दिए ।

Related Articles

Back to top button