२७ असार, काठमाडौं । शनिबार ७० जनामा कोरोना संक्रमणको पुष्टि भएको छ । योसँगै नेपालमा कोरोना संक्रमण पुष्टि हुनेको संख्या १६ हजार ७१९ पुगेको छ । सक्रिय संक्रमित भने ८ हजार २३९ जना रहेका छन् ।
संक्रमितमध्ये काठमाडौंका तीन जना रहेका छन् । यसरी पछिल्लो २४ घण्टामा ४३१ जना कोरोना निको भई डिस्चार्ज भएका छन् । स्वास्थ्य तथा जनसंख्या मन्त्रालयको नियमित पत्रकार सम्मेलनमा दिइएको जानकारी अनुसार हालसम्म कारोना मुक्त हुनेको संख्या ८४४२ पुगेको छ ।
यसैगरी नेपालमा थप तीन जनाको कोरोना संक्रमणका कारण निधन भएको छ । निधन हुने काठमाडौंका दुई पुरुष र सिन्धुपाल्चोकका एक जना पुरुष रहेका छन् । योसँगै नेपालमा हालसम्म ३८ जना कोरोना संक्रमितको निधन भएको छ ।
नेपालका धनकुटा, भोजपुर, सोलुखुम्बु, मुस्ताङ, मनाङ र हुम्ला कोरोना संक्रमण मुक्त जिल्ला रहेका छन् । त्यसैगरी पाँच सय भन्दा बढि संक्रमित हुने जिल्ला महोत्तरी, रौतहट, पाल्पा, अछाम, कैलाली र बाजुरा हुन् ।
संक्रमितको विवरण
झापा २
सिराहा १
सुनसरी ४
धादिङ ३
काठमाडौं ३
उदयपुर ४
मोरङ ३
नुवाकोट १
सर्लाही ३
सिन्धुपाल्चोक ५
सिन्धुली १
चितवन १
रौतहट १
पर्वत १
कास्की २
बाग्लुङ ३
तनहुँ ४
पाल्पा १
बाँके २
बर्दिया २
गोरखा १
स्याङजा ४
दाङ ५
रुकुम १
सुर्खेत ३
जुम्ला २
अछाम १
कन्चनपुर ४
सल्यान १