डायमण्ड माविको ३६ औं वार्षिकोत्सवको पहिलो दिन शैक्षिक मेला

पोखरा महानगरपालिका वडा नं २७ को तालचोकमा रहेको डायमण्ड माविले द्धिदिवसीय रुपमा आफनो ३६ औं वार्षिकोत्सव अन्तरगत पहिलो दिन आइतबार शैक्ष्ँिक मेला सम्पन्न गरेको छ ।
मुल कार्यक्रम फागुन ७ गते राखिए पनि आईतवार भएको पहिलो दिनको कार्यक्रममा विद्यार्थीहरुद्धारा बृहत्त शैक्षीक प्रर्दशनी तथा सांकृतिक कार्यक्रम गरेका थिए ।
पहिलो दिनको कार्यक्रमको उद्घाटन गर्दै आई एन जी ग्रुपका अध्यक्ष एवं शिक्षा उद्यमी सुलभ बुढाथोकीले वार्षिकोत्सवको अवसरमा आयोजित मेलामा राखिएका स्टलहरुमा विद्यार्थीहरुका विविध गतिविधिहरु नै उद्यमशिलता भएको वताए । उनले यसलाई नै निरन्तरता दिन सके उद्यमशिलताको विकास एवं स्वरोजगार बढ्न सक्ने विश्वास व्यक्त गरे ।
विद्यालय ब्यवस्थापन समितिका अध्यक्ष भोजराज लामिछानेको अध्यक्षतामा भएको कार्यक्रममा विद्यालयका प्रिन्सिपल याम बहादुर रोकाले बिद्यार्थीको सिकाई व्यवहारीक र प्रयोगात्मक हुन सके विद्यार्थीहरु रोजगारका लागि विदेश जानु नपर्ने धारणा राखेका थिए । दुई दिवसीय वार्षिकोत्सवको अवसरमा पहिलो दिन आयोजना गरिएको मेलाको उद्धेश्य विद्यार्थीहरुमा अन्तरनिहित प्रतिभाहरुको प्रर्दशन गर्दै त्यसबाट विद्यार्थीहरुको सिर्जनशिलता र उद्यमशिलताको विकास गराउनु रहेको उनले वताए ।

पहिलो दिनको कार्यक्रमलाई डायमण्ड मेलाका रुपमा प्रस्तुत गरिएको कार्यक्रममा विद्यार्थीहद्धारा विविध किसिमका गीत,संगित र नृत्यका सास्कृतीक कार्यक्रम एवंम होटल म्यानेजमेण्ट विषयमा अध्यनरत विद्यार्थीहरुद्धारा प्रस्तुत गरिएको फुड् फेस्टीवल सहितको उद्मशिलताका सम्वन्धमा तालिम तथा परामर्श प्रदान गरिएको शिक्षीका सविता ढुगानाले जानकारी दिइन् ।