पोखरा १३ मा दन्त शिविर सम्पन्न

पोखरा । पोखरा १३ मा दन्त शिविर सम्पन्न भएको छ । आइतबार वडाकार्यालयको प्राङगणमा गरिएको शिविरमा १५१ जनाले दन्त परिक्षण गरी स्वास्थ्य लाभ लिएको वडाध्यक्ष किरण बरालले जानकारी गराए ।
नागरिक डेन्टल क्लिनिक पोखरा ९ को प्राविधिक सहयोगमा उक्त शिविर भएको हो । शिविरमा दाँत निकाल्ने र औषधि वितरण देखि सम्पूर्ण सेवा वडा नागरिकका लागि वडाकार्यालयले उपलब्ध गराएको थियो । पोखरा १३ ले यसअघि पनि विभिन्न स्वास्थ्य परिक्षण कार्यक्रमको आयोजना गरिसकेको छ ।